اختصار الروابط الخاص بموقع ديجيهات نت


 
 
العودة   ديجيهات - Dj.Hat > المنتدى العام > ركن عالم ادم وحـواء > قسم المطبخ والطعام الشرقى
اسم العضو
كلمة المرور
 
 

إضافة رد
 
أدوات الموضوع انواع عرض الموضوع
قديم 02-01-2009, 08:51 PM رقم المشاركة : 1
معلومات العضو
mallk

إحصائية العضو






mallk غير متواجد حالياً


اشهر انواع البيتزا وبالصور

 


كل أنواع البيتزا هنا يلا أدخلوا
اشهر انواع البيتزا وبالصور
:SugarwareZ-152:
خطيبك جاي لك البيت النهاردة واتفق معاكي إن مفيش خروج النهاردة؛ لأنه آخر الشهر ومفيش فلوس..

وطلب منك تعملي له على الغذاء بيتزا زي اللي بيعزمك عليها برة..
جوزك زهق من المحشي والمكرونة والمسبك والذي منه وقال لك أعملي بيتزا

طبعا إنت قُلتِ: حاضر وقاعدة بينك وبين نفسك تقولي هو إيه اللي حصل في دماغه بيتزا إيه اللي عايزها دي؟ هو أنا بعرف أعمل الأكل العادي لما هاعرف أعمل بيتزا!!!

وطبعا لو فكرتِ إنك تشتريها من بره هيعرف وأكيد هيزعل؛ لأنك كذبتِ عليه وهيبقى موقف مش لطيف...

يبقى مفيش قُدامك حل غير إنك تتعلميها بنفسك

يلا نعمل البيتزا مع بعض.. :SugarwareZ-191:
هنبتدي بإيه
دلوقتي احنا دخلنا المطبخ وهنبدأ نجهز طلبات البيتزا وأول حاجة هتجهزيها هي عجينة البيتزا، لأنها محتاجة وقت علشان العجينة تخمر، وبيني وبينك كده فيه أكتر من طريقة لعمل عجينة البيتزا يعني فيه ناس بتعملها ببيض ولبن وفيه ناس بتعملها من غير بيض ولا لبن، واحنا هنقولك على الطريقتين واللي يعجبك فيهم اعمليه..
العجينة على طريقة نابولي:SugarwareZ-152:

اشهر انواع البيتزا وبالصور
المقادير::secret:
• 3 أكواب دقيق
• 2 ملعقة خميرة بيرة
• 2/1ملعقة صغيرة ملح
• كوب ماء دافئ
• 3معالق كبيرة زيت ذرة
الطريقة::SugarwareZ-140:

1- اخلطي كوب ونصف دقيق مع الخميرة والملح وبعد كده ضيفي الميه والزيت، واضربيهم كلهم بمضرب البيض الكهربائي على سرعة عالية لمدة 3 دقائق.
2- ضيفي باقي الدقيق إلى الخليط السابق وقلبيه باستخدام ملعقة خشبية.
3- انقلي العجينة على رخامة المطبخ أو على لوح خشبي وابدئي في عجنها بإيدك لغاية ما تلاقيها بقت طرية ومطاطة وسهلة التشكيل على شكل دوائر كبيرة.
4- انقلي العجينة إلى الطبق البلاستيك أو طبق زجاجي كبير وادهنيها بالزيت وغطيها بقطعة قماش وسيبيها في مكان دافي لمدة ساعتين علشان تخمر وحجمها يزيد...
العجينة على طريقة ملاينو:SugarwareZ-152:
اشهر انواع البيتزا وبالصور

المقادير::secret:
• 2 كوب دقيق
• 2 بيضة
• 2 معلقة زبدة
• كوب لبن
• ذرة ملح وفلفل
• 2 معلقة خميرة بيرة
• 2/1معلقة سكر
الطريقة:
1- اخلطي الخميرة مع السكر.

2- هاتي طبق زجاج أو بلاستيك كبير وحطي فيه السمنة واضربيها بالمضرب الكهربائي وبعد كده ضيفي إليها باقي المقادير والخميرة والسكر واضربيهم مع بعض بالمضرب هتلاقي إن العجينة بقت جامدة شيلي المضرب واعجني العجينة بإيدك لغاية ما تلاقيها بقت طرية ومطاطة غطيها وسيبيها لمدة 3 ساعات عشان تخمر.
بس يا ستي دول كانوا أشهر طريقتين لعمل عجينة البيتزا في إيطاليا وحبيت أقولهم في الأول لأن زي ما إنت عارفة إن أهم حاجة في البيتزا هي العجينة وعلى فكرة العجينة دي هتستخدميها في عمل أي نوع إنت عايزاه من أنواع البيتزا..
وفيه حاجة تانية مهمة لازم تكوني عارفاها علشان هتحتاجيها في عمل كل نوع من أنواع البيتزا وهي..
صلصة البيتزا:SugarwareZ-152:

اشهر انواع البيتزا وبالصور
المقادير::secret:

• 4 حبات طماطم مقشرة ومقطعة مكعبات صغيرة
• 4 ملاعق كبيرة معجون طماطم
• 2 ملعقة كبيرة زيت ذرة
• 1 ملعقة صغيرة زعتر جاف ومطحون
• 1 ملعقة صغيرة أوريجانو، أو نعناع، جاف ومطحون
• 1 ملعقة كبيرة ملح وفلفل
الطريقة::SugarwareZ-023:

1. سخني الزيت في طاسة على نار هادية، وبعد كده ضيفي الطماطم ومعجون الطماطم والزعتر والأوريجانو أو النعناع و4/3 كوب ماء وسيبي الخليط على النار لمدة نص ساعة علشان يتسبك...

بعد ما تلاقيه اتسبّك أو بقى تقيل شيليه من على البوتجاز واستخدميه في عمل البيتزا زي ما قلنا.
ودلوقتي هنعرف ازاي تعملي كل نوع بيتزا
بيتزا بالخضروات:SugarwareZ-152:
اشهر انواع البيتزا وبالصور
المقادير::secret:
• عجينة بيتزا
• 1 حبة فلفل أخضر مقطعة مكعبات أو عيدان
• 2/1 كوب صلصة بيتزا أو "معجون طماطم"
• 2 حبة طماطم مقطعة قطع صغيرة أو حلقات
• بصلة متوسطة الحجم مقطعة حلقات
• 1 كوب عيش الغراب شرائح
• 2 فص ثوم مفروم
• 1 ملعقة صغيرة زعتر
• 2/1 كوب جبنة موتزاريلا مبشورة
• 2/1 ملعقة صغيرة فلفل أسود
• عرقان من الكرفس مقطعان قطعا صغيرة
• زيتون أسود مقطع دوائر
• أوراق ريحان للزينة "حسب الرغبة"
الطريقة::secret:

1- قطعي عجينة البيتزا إلى قطع صغيرة مدوّرة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
2- ضيفي صلصلة البيتزا فوق العجينة ورشي الثوم المفروم وضيفي الفلفل الأخضر والطماطم والبصل والكرفس والزيتون الأسود وعيش الغراب ورشي الفلفل الأسود وقطعي البيتزا على شكل مثلثات.
3- رشي الجبنة الموتزاريلا والزعتر من على السطح.
4- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها، واوعي تاكلي صوابعك وراها.

بيتزا بالسجق:SugarwareZ-152:
اشهر انواع البيتزا وبالصور
المقادير::secret:

• عجينة بيتزا
• 1 حبة فلفل أخضر مقطعة مكعبات أو عيدان
• 2/1 كوب صلصة بيتزا أو معجون طماطم
• بصلة متوسطة الحجم مقطعة حلقات
• 2 فص ثوم مفروم
• 2/1كوب جبنة موتزاريلا مبشورة
• 2/1 ملعقة صغيرة فلفل أسود
• عرقان من الكرفس مقطعان قطعا صغيرة جدا
• سجق مقطع
• 2/1 كوب زيتون أسود أو أخضر مقطع شرائح
الطريقة:
1- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
2- ضيفي صلصلة البيتزا فوق العجينة ورشي الثوم المفروم وضيفي الفلفل الأخضر والبصل والكرفس والزيتون الأسود والسجق ورشي الفلفل الأسود.
3- رشي الجبنة الموتزاريلا والزعتر على السطح وقطعي البيتزا على شكل مثلثات.
4- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.
يبتزا باللحمة المفرومة وعيش الغراب:SugarwareZ-152:

اشهر انواع البيتزا وبالصور
المقادير::secret:

• عجينة بيتزا
• ربع كيلو لحم مفرومة
• 1كوب عيش الغراب شرائح
• 1حبة فلفل أخضر،مقطعة قطعا صغيرة
• 1بصلة صغيرة مقطعة شرائح
• 1 فص ثوم مفروم
• 2ملعقة كبيرة معجون طماطم
• 2كوب جبنة موتزاريلا
• 2ملعقة كبيرة زيت ذرة
الطريقة::secret:

1- قطعي البصل إلى شرائح وبعد كده سخني الزيت في طاسة كبيرة على نار هادية وابدئي في إضافة اللحمة المفرومة مع التقليب المستمر علشان اللحمة ما تلزقش منك لمدة عشرة دقائق بعد كده ضيفي عيش الغراب والبصل والثوم والفلفل الأخضر وشوية ملح وفلفل وقلبيهم كلهم مع بعض وسيبيهم على النار حوالي 10 دقائق كمان.
2- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
3- ضيفي صلصلة البيتزا فوق العجينة وبعد كده رشي عليها خليط اللحمة المفرومة اللي عملتيه عليها ورشي الجبنة الموتزاريلا على السطح البيتزا وقطعي البيتزا على شكل مثلثات.
4- سخني الفرن على درجة حرارة "220 – 200 ْ مئوية" بعد كده دخلي الصينية في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.
بيتزا بالجمبري:SugarwareZ-152:
اشهر انواع البيتزا وبالصور
المقادير::secret:

• عجينة بيتزا
• نص كيلو جمبري متوسط مقشر.
• 4 ملاعق صلصة بيتزا أو معجون الطماطم
• 1فص ثوم مفروم ناعم
• 2/1حبة فلفل أخضر مقطع مكعبات صغيرة
• 2/1 حبة فلفل أحمر أو فلفل حار مقطع مكعبات صغيرة
• 1حبة طماطم مقطع مكعبات صغيرة
• 1 بصلة مقطعة شراح
• 1كوب جبنة موتزاريلا مبشورة
• 2/1كوب جبنة شيدر مبشورة
• 2ملعقة كبيرة زيت ذرة
• ملح وفلفل
• نص حزمة كرفس.
الطريقة::secret:

1- هات الجمبري ونظفيه كويس واغسليه أكتر من مرة وبعد كده ضيفي إليه الثوم المدقوق مع الملح والفلفل.
2- سخني الزيت في طاسة على نار عالية وبعد كده ضيفي إليه الجمبري والثوم مع التقليب لغاية ما لون الجمبري يتحول إلى اللون البرتقالي.
3- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك قبل ما تحطيها تدهني الصينية بالزيت.
4- تضاف صلصة البيتزا فوق العجينة ثم يضاف الجمبري ثم يضاف الفلفل الأحمر والأخضر والطماطم والبصل وترش الجبنة الموتزاريلا والشيدر من على السطح وتقطع البيتزا على شكل مثلثاث.
5- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.
وعلى فكرة طريقة عمل "بيتزا السي فوود" شبه طريقة عمل "بيتزا الجمبري" بس كل الحكاية إنك هتضيفي إلى المقادير "كابوريا مقشرة" و"سبيط مسلوق"
بيتزا بالفراخ :SugarwareZ-152:
اشهر انواع البيتزا وبالصور
المقادير::secret:

• عجينة بيتزا
• 2/1 كوب صلصة بيتزا أو معجون طماطم
• 2/1 كوب ريحان أخضر الأوراق فقط "اختياري"
• 2/1كيلو صدور دجاج
• 2 ملعقة كبيرة زيت زيتون
• 2/1 كوب جبنة رومي مبشورة أو بارميزان
• 2/1 كوب جبنة موتزاريلا مبشورة
• 1 كوب عيش الغراب أو شرائح زيتون أخضر
• ملح وفلفل
• بصلة صغيرة مقطعة قطع صغيرة

الطريقة::secret:

1- قطعي صدور الفراخ إلى قطع متوسطة الحجم وتبليها بالملح والفلفل والبصلة الصغيرة وسيبيها لمدة ساعة ونص وبعد كده شيليها من البصل.
2- سخني زيت الزيتون في طاسة على نار متوسطة وبعد كده ضيفي إليها الفراخ مع التقليب لغاية ما تحسي إن الفراخ بدأت تستوي اطفي البوتاجاز.
3- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا، وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
4- رشي صلصة البيتزا على العجينة وضيفي إليها قطع الدجاج وبعد كده رشي عليها عيش الغراب أو الزيتون ونصف كمية أوراق الريحان. واخلطي الجبن الموتزاريلا والجبن البارميزان وبعد كده رشيهم على سطح البيتزا وقطعي البيتزا على شكل مثلثات.
5- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.
وبكده نكون خرجنا من المطبخ وعملنا أكتر من صنف من أصناف البيتزا الشهية اللي بنحبها...

بس اوعوا تنسوا بعد ما تقرأوا العدد تبعتوا وتقولولنا على رأيكم...

وبعد كده تدخلوا على طووول على المطبخ علشان تجربوا الأنواع دي..








ضع تعليق باستخدام حساب الفيس بوك

رد مع اقتباس
قديم 10-28-2009, 09:04 PM رقم المشاركة : 2
معلومات العضو
M.R DJHAT

إحصائية العضو







M.R DJHAT غير متواجد حالياً


افتراضي

 

يعنى موش بطال





رد مع اقتباس
قديم 11-05-2010, 07:33 AM رقم المشاركة : 3
معلومات العضو
dedofery

إحصائية العضو







dedofery غير متواجد حالياً


افتراضي

 

شكراً يا ملك على ذوقك





رد مع اقتباس
إضافة رد

مواقع النشر (المفضلة)

الكلمات الدلالية (Tags)
, , ,

جديد منتدى قسم المطبخ والطعام الشرقى

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:18 AM.


Powered by vBulletin Version 3.8.7
Copyright ©2000 - 2017, Jelsoft Enterprises Ltd
Translation by

إدارة الموقع غير مسئوله عن اي مقال او موضوع ، وكل كاتب مقال او موضوع يعبر عن رايه وحده فقط